Onboardinglausnir í skýinu fyrir fjártæknifyrirtæki

Valur Þór Gunnarsson

Taktikal setti fyrr á þessu ári í loftið onboardinglausn fyrir fjármálafyrirtæki með sérstaka áherslu á varnir gegn peningaþvætti (AML). Lausn Taktikal hjálpar fjármálafyrirtækjum að standast kröfur um peningaþvætti og felur m.a. í sér áreiðanleikakannanir með sterkri auðkenningu á einstaklingum og forsvarsmönnum fyrirtækja ásamt stöðluðum spurningalistum. Ferlið er sjálfkrafa skjalað og allur skjalafrágangur sjálfvirkur. Auk þess sem undirrituð gögn er tímastimpluð með vottuðum tímaþjóni, innsigluð á öruggan hátt og send í skjalakerfi viðskiptavina til varðveislu ásamt upplýsingum um skilríki ábyrgðaraðila.

Miklar nýjungar framundan

Taktikal hefur til þessa lagt megináherslu á KYC/AML lausnir fyrir eftirlitsskylda aðila eins og fjármálastofnanir, greiðslumiðlanir og endurskoðendur. Á næstunni er von á víðtækum uppfærslum á lausnum Taktikal í traustþjónustum fyrir fjártækni- og fjármálafyrirtæki. MiFID II tilskipunin tekur mið af tækninýjungum er komið hafa fram á sjónarsviðið undanfarin ár og hefur það markmið að auka gagnsæi í viðskiptum með fjármálagerninga og neytendavernd í verðbréfaviðskiptum. Á næstunni mun Taktikal gefa út uppfærslu er kemur enn frekar til móts við þarfir fjármálafyrirtækja með stuðningi við rafræna upplýsingaöflun í tengslum við MiFID II og FATCA. Með lausn Taktikal geta fjármálafyrirtæki gert rafrænt mat á hæfi fjárfesta og framkvæmt upplýsingasöfnun rafrænt auk þess sem skjölun á söfnun upplýsinga er sjálfvirk.

Alþjóðlegar lausnir

Sú breyting verður einnig á næstunni að fjártæknilausnir Taktikal verða ekki einungis í boði fyrir viðskiptavini á Íslandi – heldur verða lausnir Taktikal aðgengilegar viðskiptavinum hvar sem er í heiminum og af öllum þjóðernum. Taktikal verður þannig fyrsta íslenska fyrirtækið er býður upp á víðtækt onboarding ferli sem skýjaþjónustu fyrir alþjóðleg fjártæknifyrirtæki og viðskiptavini þeirra hvar sem þeir eru staddir í heiminum. Uppfærslan mun einnig bjóða upp á uppflettingu á PEP (e. Politically Exposed Person) og Sanctions listum, en Taktikal gerði nýverið samkomulag við fjártæknifyrirtækið Nátthrafn er munu gera PEP lista Nátthrafns aðgengilega fyrir viðskiptavini Taktikal. Taktikal hefur einnig gert samninga við virta erlenda þjónustuveitendur er gerir viðskiptavinum Taktikal kleift að fletta upp og keyra saman gögn um viðskiptavini í alþjóðlegum Global PEP/Sanctions listum í lausnum Taktikal.

Um Taktikal

Taktikal var stofnað 2017 af sérfræðingum í stafrænni vöruþróun og starfsmönnum fjármálafyrirtækja. Taktikal sérhæfir sig í rafrænum undirskriftum og traustþjónustum. Meðal viðskiptavina Taktikal eru stofnanir, sveitarfélög, endurskoðendur, tryggingafélög, greiðslumiðlanir og fjármálastofnanir. Nánar má lesa um lausnir Taktikal á taktikal.is.

---

Valur Þór Gunnarsson er meðstofnandi og framkvæmdastjóri Taktikal.